RAVENNA

RAVENNA
urbs Galliae Togatae, Aemiliae archiepiscopalis et metropolis apud oram litoream, ubi rhombus laudatissimus, Plin. l. 3. c. 16. inter Ferrariam 50. et Ariminum in ortum 35. mill. pass. a Bononiâ 45 ab Anconâ. 102. Α᾿ρχαίαν πόλιν vocat Geographus, l. 5. Unde Claudian. de 6. Cons. Honorii, v. 494.
Dixit, et antiquae muros egressa Ravennae
Signa movet, iamque ora Padi, portusque relinquit
Flumineos, certis ubi legibus advena Nereus
Aestuat, et pronas puppes nunc amne secundô.
Nunc redeunte vehit, nudataque litora fluctu
Deserit, Oceani lunaribus aemula damnis.
Silius Italicus, l. 8. v. 601.
Quique gravi remo limosis segniter undis
Lenta paludosae proscindunt stagna Ravennae.
Sidonius Apollinaris, Carm. 9.
Undosae petiit sitim Ravennae.
Nempe inter marinas paludes dulcibus aquis destituebantur Ravennates: Martialis, l. 3. Epigr. 56.
Sit cisterna mihi, quam vinea, malo Ravennae:
Cum possim multô vendere pluris aquam.
Ranarum, culicumque multitudinem in his paludibus, adnotavit idem Martialis, l. 3. Epigr. 93. v. 8.
Meliusque ranae garriant Ravennates,
Et Hadrianus dulcius culex cantet.
Strabo, l. 5. Ε᾿ν δὲ τοῖς ἔλεςι μεγίςτα μέν ἐςτι Ρ῾αβέννα. Condita a Sabinis, Plin. annô post diluvium 480. Hîc desidi Honorio, pugnacemque gallum urbi Romae, tum ab Alarico captae, praeferenti, imperium victor abrogavit, A. C. 410. Dein sedes Theodorici Gothorum Regis, qui post triennii obsidionem Odoacrum ad deditionem coegit, A. C. 490. Exin postquam Vitiges Gothorum Rex, victus a Bellizario, et expugnatâ urbe captus est, A. C. 540. Exarchorumfuit, quos in Italiam Imperatores orientis miserunt. Horum primus Longinus, a Iustino missus huc venit, A. C. 568. Huic sucessêre Smaragdus, Romanus, Callinicus, Smaragdus iterum, Iohannes Remigius, Eleutherus, Isaacus, Theodorus Calliopas, Olympius, Theodorus Calliopas iterum, Alius Theodorus, Iohan. Plato, Theophylactus, Iohannes Rhizocopus, quem cives a Papa, qui Philippicum Bardanem excommunicaverat, excitati interemerunt, A. C. 712. Scholasticus et Paulus: Sub quo, ductu Luitprandi Regis urbsa Longobardis capta, sed recepta est, A. C. 727. Venetorum ope. Eutyches, ultimus Exarchus Paulo successit, quem totâ Italiâ pepulit Aistulphus, Longob. Rex A. C. 752. quô victô, Pipinus Exarchatum sub Stephano II. Pontificiae sedidonavit, A. C. 756. Proin hodieque Romandiolae caput est. Sensim deficit, insignis victoriâ Ludovic. XII. A. C. 1512. Sub Pontifice, alias in littore, nunc 3. milliar. ab ora recedit. Baudrand. Ravennates ob Fanenses cum Venetis bellum gesserunt, A. C. 1140. Episcopus urbis, quod a Valentiniano Imperatore laneô donatus esset palliô, quali solus utebatur Imperator, Celestino Leonis M. successori, qui Primatum Papae acriter propugnabat, eum dubium reddidit. Verum Constantinus Pogonatus Imperator. Benedicti II. sanctitate Permotus, non solum Clero Romano pecuniam pro ordinatione Episcopi debitam remisit, sed Ravennatem etiam Episcopum, ut se ei subiceret, iussit, A. C. 684. Vide Sigon. Histor. Laetum Comp. Histor. Univers. etc. Hîc porta ex marmore, et templum praecipuum quatuor istiusmodi columnarum ordinibus innixum: Concilium quoque habitum A. C. 901. quô Lambertus Imperator, seu Italiae Rex confirmatus est, et A. C. 967. quô collapsum Ecclesiae statum instauraturus Otto M. Iohannem XIII. gravissimorum criminum reum, deposuit, substitutô Leone VIII. Luitpr. l. 3. c. 12. et l. 6. c. 7. Sigon. l. 7. etc. Adde Leandr. Alb. descr. Ital. Rubeum, Histor. Rav. Ughel. ital. sacr. Eiusdem in veterib. nummis mentio, in quibus RA. vel RAV. it. RUPS. occurrit, quod Ravennae illi cusi, ut videre est supra.

Hofmann J. Lexicon universale. 1698.

Look at other dictionaries:

  • Ravenna — Ravenna …   Deutsch Wikipedia

  • Ravenna — • Archdiocese based in the capital of a province in Romagna, central Italy Catholic Encyclopedia. Kevin Knight. 2006. Ravenna     Ravenna     † …   Catholic encyclopedia

  • RAVENNA — RAVENNA, city in Emilia Romagna, N. central Italy. There is evidence that a Jewish settlement existed in Ravenna in the third and fourth centuries, probably the earliest Jewish community in the region. A piece of an amphora with the word Shalom… …   Encyclopedia of Judaism

  • Ravenna — Ravenna, NE U.S. city in Nebraska Population (2000): 1341 Housing Units (2000): 600 Land area (2000): 0.752541 sq. miles (1.949072 sq. km) Water area (2000): 0.004123 sq. miles (0.010678 sq. km) Total area (2000): 0.756664 sq. miles (1.959750 sq …   StarDict's U.S. Gazetteer Places

  • Ravenna [2] — Ravenna, Hauptstadt der gleichnamigen ital. Provinz (s. oben), liegt 7 km vom Adriatischen Meer in teilweise versumpfter Ebene am Kanal Corsini, an den Eisenbahnlinien Ferrara R. Rimini und Castel Bolognese R. und der Dampfstraßenbahn nach Forlt …   Meyers Großes Konversations-Lexikon

  • Ravenna, KY — U.S. city in Kentucky Population (2000): 693 Housing Units (2000): 323 Land area (2000): 0.370004 sq. miles (0.958306 sq. km) Water area (2000): 0.000000 sq. miles (0.000000 sq. km) Total area (2000): 0.370004 sq. miles (0.958306 sq. km) FIPS… …   StarDict's U.S. Gazetteer Places

  • Ravenna, MI — U.S. village in Michigan Population (2000): 1206 Housing Units (2000): 455 Land area (2000): 1.258802 sq. miles (3.260281 sq. km) Water area (2000): 0.000000 sq. miles (0.000000 sq. km) Total area (2000): 1.258802 sq. miles (3.260281 sq. km) FIPS …   StarDict's U.S. Gazetteer Places

  • Ravenna, NE — U.S. city in Nebraska Population (2000): 1341 Housing Units (2000): 600 Land area (2000): 0.752541 sq. miles (1.949072 sq. km) Water area (2000): 0.004123 sq. miles (0.010678 sq. km) Total area (2000): 0.756664 sq. miles (1.959750 sq. km) FIPS… …   StarDict's U.S. Gazetteer Places

  • Ravenna, OH — U.S. city in Ohio Population (2000): 11771 Housing Units (2000): 5313 Land area (2000): 5.352359 sq. miles (13.862545 sq. km) Water area (2000): 0.011788 sq. miles (0.030532 sq. km) Total area (2000): 5.364147 sq. miles (13.893077 sq. km) FIPS… …   StarDict's U.S. Gazetteer Places

  • Ravenna, TX — U.S. city in Texas Population (2000): 215 Housing Units (2000): 94 Land area (2000): 1.210901 sq. miles (3.136218 sq. km) Water area (2000): 0.000000 sq. miles (0.000000 sq. km) Total area (2000): 1.210901 sq. miles (3.136218 sq. km) FIPS code:… …   StarDict's U.S. Gazetteer Places

  • Ravenna — (Löffingen,Германия) Категория отеля: Адрес: 79843 Löffingen, Германия Оп …   Каталог отелей

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.